సొగసులు

కలువ రేకులు, విప్పారిన ఆ కనురెప్పలు
కలలు, కోల కనుల కొన చూపులు
కలవరింతలు, కలల చిన్నారి కవ్వింతలు
వలలు, వయ్యారి వలువలు
వెతలు, వేడి నిట్టూర్పుల వేచి చూపులు

అలకలు, పలకరింతల కొరవడులు
బుజ్జగింపులు, ముఖారవిందాల అందాల చిరునగవులు
పులకరింతలు, పలకరింతల ఆత్మీయ స్పర్శలు
తహతహలు, తనువుల తాకిడుల ఎదురు చూపులు
స్వర్గాలు, వెచ్చని కౌగలింతల చుంబనాలు
నరకాలు, విరహపు గడవని ఘడియలు

ఆహా! ఎన్నెన్ని సొగసులు